Baðst afsökunar á Facebook

„Það var ekki í lagi að segjast vilja líf sitt aftur," segir Tony Hayward, forstjóri BP olíufyrirtækisins á Facebook.

Hann baðst afsökunar á orðum sem hann viðhafði þegar að hann kom til Louisianafylkis í Bandaríkjunum um helgina. Ástæða heimsóknarinnar var olíulekinn við strendur Lousiana sem hefur kostað ellefu manns lífið og lagt lífríkið í rust. Olíuborpallurinn sökk þann 20. apríl síðastliðinn sem hafði í för með sér gríðarlegt tjón.

Tony Hayward segir í Facebookfærslunni að ummælin hefðu verið sögð í hugsunarleysi. Hann bað fjölskyldurnar sem höfðu misst ættingja sína í olíuslysinu afsökunar. Nú væri það forgangsmál hjá honum að styðja þá sem búa á svæðinu þar sem slysið varð við að koma lífi sínu í eðlilegt horf.