Innlent

Ær með garnaveiki aflífaðar

GARNAVEIKI Þrjár kindur sem fóðruðust ekki reyndust vera með garnaveiki.
GARNAVEIKI Þrjár kindur sem fóðruðust ekki reyndust vera með garnaveiki.

Garnaveiki hefur greinst í þremur ungum ám á bæ í Fáskrúðsfirði. Þær voru skoðaðar 6. janúar að beiðni bóndans á bænum og ákvað héraðsdýralæknir Matvælastofnunar að aflífa þær allar þar sem þær voru óeðlilega horaðar, þótt þær ætu allar eðlilega. Engin merki sáust þó um skitu.

Við krufningu komu í ljós einkenni sem bentu eindregið til garnaveiki. Sýni voru tekin og send til Tilraunastöðvarinnar að Keldum þar sem garnaveikin var staðfest, fyrst með litun og síðan vefjaskoðun. Bólusetning gegn garnaveiki verður hafin á svæðinu. - jss

Mest lesið


Fleiri fréttir

Sjá meira


×

Mest lesið