Þórhallur hættur á RÚV

Þórhallur Gunnarsson, ritstjóri Kastljóssins og dagskrárstjóri Ríkissjónvarpsins, hefur sagt upp störfum.

„Þetta er ákvörðun sem ég tók eftir að hafa hugsað málið vandlega og þetta eru bara persónulegar ástæður sem að þarna liggja að baki en ég skil við fyrirtækið í mestu vinsemd," segir Þórhallur í samtali við Vísi.

Hann þvertekur fyrir að ágreiningur um dagskrárgerð hafi ráðið ákvörðun hans. „Þetta er enginn ágreiningur, þetta er bara mín ákvörðun. Ég velti henni fyrir mér í smá tíma en tók þessa ákvörðun endanlega í gær," segir Þórhallur.