Fullyrða að Pakistanar aðstoði talíbana í Afganistan

Leyniþjónusta Pakistans aðstoðar talibana í Afganistan með ýmsum hætti svo þeir geti barist við hermenn NATÓ-ríkjanna og afganska lögreglu- og hermenn.

Þetta er fullyrt í nýrri skýrslu fræðimanna við London School of Economics. Þar er því haldið fram að háttsettir embættismenn í Pakistan og leyniþjónustu landsins aðstoði við talíbana með einum eða öðrum hætti. Þar er átt við bein fjárframlög, þjálfun, vernd og viðkvæmar upplýsingar. Þessu hafa ráðamenn í Pakistan alfarið vísað á bug. Skýrslan er að miklu leyti á viðtölum við leiðtoga talíbana, fyrrverandi ráðherra og vestræna og afganska hermenn.