Ákærður fyrir að klæðast lögreglufötum

Karlmaður á fertugsaldri hefur verið ákærður fyrir að hafa notað einkennisbúning lögreglu opinberlega. Maðurinn klæddist einkennisbol lögreglu við veitingastaðinn Kaffi Viktor að Hafnarstræti í Reykjavík þann 17. maí í fyrra.

Hegðun mannsins telst varða við 117. grein almennra hegningalaga en þar er kveðið á um að hver, sem vísvitandi eða af gáleysi noti opinberlega eða í ólögmætum tilgangi einkenni, merki eða einkennisbúning, sem áskilinn sé íslenskum eða erlendum stjórnvöldum eða hermönnum, eða einkenni, merki eða búningi, sem sé svo áþekkur hinum ofannefndu, að hætta sé á, að á verði villst, skuli sæta sektum.

Málið var þingfest í Héraðsdómi Reykjavíkur í morgun.