Forsetar Venesúela og Kólombíu ræða málin

Þeir Hugo Chavez forseti Vensúela og Juan Manuel Santos nýkjörinn forseti Kólombíu munu hittast á morgun til að ræða samskipti þjóðanna.

Mikil spenna hefur ríkt milli þjóðanna eftir að fyrri stjórn Kólombíu sakaði Chavez um að leyfa Farc skæruliðunum að starfa í Venesúela. Í framhaldinu sleit Chavez stjórnmálasambandinu við Kolombíu.

Fundurinn er að frumkvæði Chavez sem sagðist vilja hitta Santos augliti til auglitis eftir að Santos náði kjöri sem forseti Kólombíu.