Wenger spenntur fyrir Cole

Arsene Wenger viðurkennir að hann sé hrifinn af Joe Cole sem hefur verið orðaður við Arsenal að undanförnu.

Cole verður ekki áfram í herbúðum Chelsea eftir af samningur hans við félagið rennur út í sumar. Wenger vildi ekki segja hvort að Arsenal myndi reyna að fá hann til liðs við félagið.

„Ég hef hrifist af honum því hann hefur alltaf reynst okkur erfiður," sagði Wenger við enska fjölmiðla. „Hann getur haft mikil áhrif á leiki og er góður í að rekja knöttinn áfram, gefur góðar sendingar og skorar mörk."

Cole hefur einnig verið orðaður við Manchester United, Manchester City og Tottenham.