Átta gefa kost á sér á Akranesi

Um helgina rann út framboðsfrestur til prófkjörs Samfylkingarinnar á Akranesi. Það er því orðið ljóst hverjir það verða sem sækjast eftir fyrstu þremur sætum á listanum fyrir kosningarnar í vor. Kosið verður um fyrstu þrjú sætin í prófkjöri laugardaginn 20. mars, en sæti um 4.-9. sæti á sérstökum kjörfundi að því loknu.

Þeir sem sækjast eftir þremur fyrstu sætunum eru í stafrófsröð:

Björn Guðmundsson húsasmiður sækist eftir 1. 3. sæti

Einar Benediktsson verkamaður sækist eftir 1.-3. sæti

Guðríður Sigurjónsdóttir leikskólakennari sækist eftir 2.-3. sæti

Hafsteinn Sigurbjörnsson eftirlaunaþegi sækist eftir 3. sæti

Hrund Snorradóttir kaffihúsaeigandi sækist eftir 2.-3. sæti

Hrönn Ríkharðsdóttir skólastóri og núverandi bæjarfulltrúi sækist eftir 1.-2. sæti

Ingibjörg Valdimarsdóttir deildarstjóri hjá Orkuveitu Reykjavíkur sækist eftir 2.-3. sæti

Sveinn Kristinsson starfsmaður Orkuveitu Reykjavíkur og núverandi bæjarfulltrúi sækist eftir 1. sæti

Samfylkingin fékk tvo bæjarfulltrúa kjörna í kosningunum fyrir fjórum árum, Sjálfstæðisflokkur fjóra, Framsókn einn, VG einn og Frjálslyndi flokkurinn einn.