Annar hluti rannsóknarskýrslu um vistheimili frestast

Eins og kunnugt er kannar vistheimilanefnd nú starfsemi vistheimilisins Silungapolls, vist­heimilisins Reykjahlíðar og heimavistarskólans Jaðars og er skýrsla nefndarinnar af því tilefni, áfangaskýrsla nr. 2, á lokastigi.

Stefnt var að því að ljúka við skýrsluna um þessi mánaðamót. Könnun nefndarinnar unda­nfarin misseri hefur hins vegar verið afar umfangsmikil.

Hefur nefndin þegar rætt við um 200 einstaklinga, fyrrverandi vistmenn, fyrrverandi nemendur og aðra sem nefndin hefur talið geta varpað ljósi á starfsemi þessara stofnana.

Að sama skapi hefur gagnaöflun nefndarinnar verið tímafrek og hafa nefndinni borist mikið magn skjallegra gagna, en um 1.500 einstaklingar dvöldu á þessum stofnunum og voru þær starfræktar um árabil.

Í ljósi umfangs könnunarinnar er gert ráð fyrir að vistheimilanefnd skili áfangaskýrslu nr. 2 til forsætisráðherra eigi síðar en 31. ágúst nk.