Jafnt hjá Sunderland og City

Sunderland og Manchester City skildu jöfn 1-1 í ensku úrvaldsdeildinni í dag. Leikurinn var fjörugur en markvörður Sunderland, Craig Gordon, varði oft á tíðum frábærlega og hélt heimamönnum inn í leiknum. Það reyndist þó ekki nóg.

Kenwyne Jones kom Sunderland yfir strax á 9. minútu með glæsilegum skalla. Það var eina markið í fyrri hálfleik og staðan 1-0 í hálfleik.

Síðari hálfleikur var líflegur og fóru Manchester City ílla með mörg dauðafæri. Bæði Santa Cruz og Shaun Wright Phillips fengu kjörin tækifæri til að skora en þeim brást bogalistinn.

Eftir mikla pressu City-liðsins þá loks uppskáru þeir jöfnunarmarkið í uppbótartíma. Boltinn barst út í teiginn til Adam Johnson eftir hornspyrnu. Hann gerði sér lítið fyrir og skrúfaði boltann í fjærskeytin og þar við sat. Lokatölur 1-1.