Innlent

Ögmundur tekur við dóms- og samgöngumálum

Ögmundur Jónasson verður dóms- og samgöngumálaráðherra þegar ný ráðherraskipan tekur gildi. Álfheiður Ingadóttir heilbrigðisráðherra mun hverfa úr ríkisstjórninni en þetta eru einu breytingarnar sem gerðar verða á ráðherraliði VG að því er heimildir fréttastofu herma.

Um áramótin er ráðgert að koma á fót innanríkisráðuneyti sem mun halda utan um málaflokka dóms og samgöngumála og verður Ögmundur þá innanríkisráðherra.

Ögmundur lét af embætti heilbrigðisráðherra fyrir tæpu ári síðan en hefur nú snúið aftur í Stjórnarráðið.


Tengdar fréttir

Þingflokksfundi VG lokið - Einhugur innan flokksins

Þingflokksfundi VG er lokið en þar voru tillögur um ráðherraskipti kynntar. Þingmenn vildu ekki tjá sig að fundi loknum en Steingrímur J. Sigfússon, formaður VG og fjármálaráðherra, sagði eftir fundinn að einhugur ríkti innan þingflokksins og að menn væru sáttur við breytingarnar.

Guðbjartur inn - Kristján út og Árni skiptir um stól

Guðbjartur Hannesson þingmaður Samfylkingarinnar, verður ráðherra í ríkisstjórn Íslands og Kristján L. Möller mun láta af embætti samgöngumálaráðherra. Þetta hefur fréttastofa eftir öruggum heimildum en nú stendur yfir flokksráðsfundur Samfylkingarinnar á Hótel Loftleiðum þar sem Jóhanna Sigurðardóttir formaður flokksins og forsætisráðherra kynnir tillögur að nýrri ráðherraskipan.

Flokksstjórnarfundur: Fjölmiðlum bannaður aðgangur

Fulltrúar á flokksstjórnarfundi Samfylkingarinnar á Hótel Loftleiðum greiddu um það atkvæði hvort fjölmiðlum ætti að vera heimilaður aðgangur að fundinum. Allir fundarmenn, utan einn, voru á þeirri skoðun að banna fjölmiðlum aðgang og því hefur þeim verið vísað úr salnum.

Þingflokkarnir funda

Þingflokkar Vinstri grænna og Samfylkingarinnar hittast klukkan níu til að ráða ráðum sínum um breytingar á ríkisstjórninni, og hundrað manna flokksstjórn Samfylkingarinnar hefur verið kölluð til fundar klukkan tíu.

Ásmundur Einar: Ögmundur verður ekki þægur ráðherra

„Menn eru komnir í algjört öngstræti með þessa stjórnarandstöðu innanborðs. Nú á að kippa henni inn fyrir borðstokkinn," segir Pétur Blöndal, þingmaður Sjálfstæðisflokksins.„Þegar órólega deildin er tekin inn þá er það væntanlega til þess að hún verði róleg.

Óvíst hvern Jóhanna velur

Óvissa ríkti um það í gærkvöldi hver kæmi nýr inn í ríkisstjórn fyrir hönd Samfylkingarinnar. Ögmundur Jónasson verður nýr ráðherra Vinstri grænna en úr Samfylkingunni eru nöfn Guðbjarts Hannessonar og Oddnýjar G. Harðardóttur helst nefnd.

Mest lesið


Fleiri fréttir

Sjá meira


×

Mest lesið