Þingflokksfundi VG lokið - Einhugur innan flokksins

Þingflokksfundi VG er lokið en þar voru tillögur um ráðherraskipti kynntar. Þingmenn vildu ekki tjá sig að fundi loknum en Steingrímur J. Sigfússon, formaður VG og fjármálaráðherra, sagði eftir fundinn að einhugur ríkti innan þingflokksins og að menn væru sáttur við breytingarnar.

Helst er rætt um að Álfheiður Ingadóttir mun hætta sem ráðherra og Ögmundur Jónasson komi inn í staðinn.

Þegar er ljóst að Guðbjartur Hannesson mun verða ráðherra og Kristján Möller hættir. Þá mun Árni Páll Árnason hætta sem félags- og tryggingamálaráðherra og taka að sér efnahags- og viðskiptaráðuneytið.

Ríkissráðsfundur verður haldin klukkan hálf tólf á Bessastöðum. Eftir fundinn verða ráðherraskiptin kunngerð.