Alþjóðlegir friðargæsluliðar verði sendir til Tælands

Nokkur hundruð mótmælendur komu saman í friðsömum mótmælum fyrir utan svæðisskrifstofu Sameinuðu þjóðanna í Bangkok í Tælandi í dag og kröfðust þess að alþjóðlegir friðargæsluliðar verði sendir til landsins til að fylgjast með ástandinu þar.

Þetta var í fyrsta skipti í viku sem mótmælendur koma út úr búðum sínum til að mótmæla á götum úti en þar á undan hafa þeir mótmælt vikum saman. Þeir krefjast þess að þingið verði leyst upp og boðað verði til nýrra þingkosninga í landinu.

Mótmælendur kalla sig Rauðu skyrturnar héldu á mótorhjólum og vörubílum að svæðisskrifstofu Sameinuðu þjóðanna. Yfirvöld höfðu sagt að frekari mótmæli þeirra yrðu ekki liðin, en óeirðalögregla stóð afskiptalaus hjá á meðan mótmælastaðan fór fram og fulltrúa Sameinuðu þjóðanna var afhent bréf með kröfum um afskipti umheimsins af ástandinu.