Hæstiréttur Bandaríkjanna hefur komist að þeirri niðurstöðu að bann við skammbyssueign, sem hefur verið í gildi í Chicago, brjóti gegn stjórnarskrá landsins. Dómurinn gæti breytt lögum um byssueign í mörgum ríkjum Bandaríkjanna.
Hæstiréttur klofnaði í afstöðu sinni til málsins, fimm dómarar voru með og fjórir á móti. Bannið hefur verið í gildi í Chicago og úthverfinu Oak Park í Illinois í 28 ár. Reglurnar um byssueign þar eru þær ströngustu í Bandaríkjunum. - þeb
