Tæplega 11 þúsund búnir að kjósa

Skömmu eftir klukkan þrjú dag höfðu 10.614 greitt atkvæði utan kjörfundar í þjóðaratkvæðagreiðslunni um Icesave lögin. Þar af höfðu 6525 kosið í Laugarhaldshöllinni, að sögn Bergþóru Sigmundsdóttur deildarstjóra hjá Sýslumanninum í Reykjavík. Þar myndaðist meira en hálftíma löng biðröð í dag en það er svipað því sem verið hefur undanfarin ár.

Bergþóra segir að talsvert færri hafa kosið utankjörfundar samanborið við alþingiskosningarnar 2007 og 2009. Við lokun í gær höfðu 5.776 greitt atkvæði utan kjörfundar í Reykjavík. Á sama tíma í fyrra höfðu 10.882 greitt atkvæði og 10.318 á fimmtudeginum fyrir þremur árum.