Verður úrslitakeppni um síðasta sætið inn í Meistaradeildina?

Forráðamenn ensku úrvalsdeildarinnar eru nú að ræða það að alvöru að koma með nýtt útspil í baráttunni um fjórða og síðasta sætið inn í Meistaradeildina. Á dagskránni er að keppa um það í sérstakri úrslitakeppni eftir tímabilið eða svipað og er nú í gangi neðri deildunum þegar liðið keppa um þriðja og síðasta sætið upp um deild.

Tillagan, sem var kynnnt á fundi með félögunum 4. febrúar síðastliðinn, lítur þannig út í dag að liðin í fjórða, fimmta, sjötta og sjöunda sæti myndu fara í úrslitakeppni þar sem að sigurvegarinn fengi fjórða og síðasta Meistaradeildarsætið. Liðin myndu þá mætast heima og heiman.

Öll félög deildarinnar hafa tekið vel í þessa tillögu nema risafélögin fjögur, Chelsea, Manchester United, Arsenal og Liverpool, sem hafa haft tangarhald á Meistaradeildarsætunum undanfarin ár.

Forráðamenn ensku úrvalsdeildarliðunum vilja með þessu auka líkur hinna liðanna á því að komast í Meistaradeildina auk þess að bæta við leikjum og þar með meiri peningum vegna sölu á sjónvarpsréttinum á þessari nýju úrslitakeppni.

Úrslitakeppnin eins og staðan er í dag:

Liverpool-Aston Villa

Manchester City-Tottenham