Reykjavík vill verða græn borg

Reykjavík keppir við spænsku borgirnar Barcelónu og Vitoria-Gasteiz, sænsku borgina Málmey, Nantes í Frakkalandi og Núrnberg í bæjaralandi í Þýskalandi um að vera Græna borgin í Evrópu árið 2012 eða 2013. Tvær af þessum sex verða valdar.

Sautján borgir í tólf Evrópuríkjum, meðal annars ítölsku borgirnar Róm og Bologna, sóttu um þessa eftirsóttu viðurkenningu og nú hafa sex þeirra komist í úrslit. Borgirnar sex sem komust áfram fá nú tækifæri til að fullgera umsókn sína fyrir lokakeppnina. Úrslitin verða svo birt í haust.

Það er talinn mikill heiður fyrir borg að vera valin Græna borgin í Evrópu (European Green Capital). Reykjavíkurborg hefur undanfarin ár lagt sig sérstaklega fram í umhverfismálum og kynnt aðgerðir sínar undir nafninu Græn skref í Reykjavík. Nýlega var til að mynda hjólreiðaáætlun samþykkt í fyrsta sinn en það er ítarleg áætlun um að skapa hjólaborgin Reykjavík.