Kínverjar sauma enn að Japönum

Áhöfn fiskiskipsins var sleppt en skipstjóranum haldið eftir. Japanar sökuðu hann um að hafa siglt utan í gæsluskipin af ásettu ráði.

Kínverjar urðu æfir af reiði. Þeir settu afmarkað viðskiptabann á málma sem eru japönum nauðsynlegir við framleiðslu á raftækjum.

Þeir hótuðu frekari refsiaðgerðum og handtóku fjóra Japana í Kína. Mennirnir eru sakaðir um njósnir.

Japanar slepptu loks skipstjóranum fyrir helgi, en það dugar ekki Kínverjum. Nú heimta þeir afsökunarbeiðni og skaðabætur.

Því hafna Japanar algjörlega. Fjölmiðlar í Japan hafa gagnrýnt að skipstjóranum skyldi sleppt. Þeir telja að Kínverjar líti á það sem veikleikamerki og ætli nú að láta kné fylgja kviði.

Í Japan finnst mönnum nóg komið af ofsa og yfirgangi Kínverja.