Wilkins: Höfum engar áhyggjur af Joe Cole

Ray Wilkins, aðstoðarstjóri Chelsea, segir að það sé í góðu lagi með Joe Cole og það sé engin óánægja með hans leik þó svo hann hafi verið tekinn af velli í hálfleik gegn Cardiff í dag.

Cole, sem á enn eftir að skrifa undir nýjan samning við Chelsea, er í vandræðum með að sanna tilverurétt sinn í enska landsliðinu þessa dagana.

„Joe var ekkert meiddur. Þetta var bara taktísk skipting. Það er fullt af hæfleikamönnum í okkar hópi og stjórinn breytir því liðinu telji hann ástæðu til," sagði Wilkins.

„Þegar menn lenda í því að vera lengi frá eins og Joe þá tekur tíma að koma sér í gírinn á nýjan leik. Það mun koma hjá Joe enda er strákurinn að leggja gífurlega hart að sér á æfingasvæðinu. Við getum ekki séð að það verði neitt vandamál með hann."