Erlent

Olíuhreinsunin tekur nokkur ár

Seigfljótandi olía barst á norðvesturstrendur Flórídaskaga. Ellefu ára piltur tínir upp olíuklepra. fréttablaðið/ap
Seigfljótandi olía barst á norðvesturstrendur Flórídaskaga. Ellefu ára piltur tínir upp olíuklepra. fréttablaðið/ap
Yfirmaður bandarísku strandgæslunnar telur að það muni taka einhver ár að hreinsa upp votlendi og önnur heimkynni vegna olíulekans á Mexíkóflóa. Þetta kemur fram í frétt BBC.

Yfirmaðurinn, Thad Allen, sagði að olíurisinn BP þyrfti að standa sig betur í að láta fólk og fyrirtæki sem urðu fyrir búsifjum vegna olíulekans fá fjármuni.

BP sagði á föstudaginn loks hafa náð að stöðva mesta lekann úr olíubrunninum, þó enn streymi töluvert magn óhindrað út í hafið.

Talið er að allt að milljón tunnur af olíu hafi lekið út í sjóinn þær sex vikur sem liðnar eru frá því sprenging varð í borpalli olíufélagsins BP á Mexíkóflóa.

Olíulekinn gæti orðið sá versti í sögu Bandaríkjanna.




Fleiri fréttir

Sjá meira


×