Skuldirnar yfir viðunandi mörkum

Þótt eftirlitsnefnd með fjármálum sveitarfélaga ætli ekki að aðhafast í málefnum Hafnarfjarðar að svo stöddu telur hún skuldir og skuldbindingar bæjarins yfir „þeim mörkum sem talist getur viðunandi og sveitarfélagið getur búið við til lengri tíma litið" eins og segir í bréfi eftirlitsnefndarinnar til bæjarstjórnar Hafnarfjarðar.

Í bréfinu er sagt mikilvægt að vinna markvisst að því að lækka skuldabyrðina. Bæjarstjórnin er minnt á að samkvæmt sveitarstjórnarlögum sé sveitarstjórn skylt að gæta þess eins og kostur er að „heildar­útgjöld sveitarfélags, þar með talin rekstrarútgjöld, fari ekki fram úr heildartekjum þess".

Eftirlitsnefndin segist „fylgjast með framvindu rekstrar og fjárhagsáætlunar á næstu mánuðum" og óskar eftir því að ársreikningur fyrir 2009 verði sem fyrst lagður fram fyrir 2009. Sömuleiðis vill hún fá í hendur á þriggja mánaða fresti reikningsskil sveitarfélagins með samanburði við fjárhagsáætlun. Bréf EFS verður kynnt bæjarráði Hafnarfjarðar síðar í vikunni. - pg