Andlegri sjálfsvörn frestað

Vegna leiks Íslands og Noregs á Evrópumeistaramótinu í handknattleik hefur verið ákveðið að fresta fyrirlestri Sigursteins Mássonar, formanns Geðhjálpar, um andlega sjálfsvörn sem halda átti í BSRB-húsinu klukkan fjögur í dag, fimmtudag.

Fram kemur á vef Bandalags starfsmanna ríkis og bæja (BSRB) að fyrirlesturinn verði í staðinn haldinn á sama tíma fimmtudaginn 4. febrúar og sé í boði BSRB.

Fyrirlesturinn er sagður taka um 35 mínútur og hugsaður sem andsvar við tvíhyggju, eða aðgreiningu líkama og sálar. Meðal annars er fjallað um varnir gegn neikvæðum hugsunum og áreiti í samskiptum fólks, um óttann og hluti sem raunverulega skipta máli í lífinu. - óká