Flúoró-amfetamín fellur undir lög um ávana- og fíkniefni

Heilbrigðisráðuneytið sér ástæðu til að árétta sérstaklega í tilkynningu til fjölmiðla í dag, í kjölfar dóms Hæstaréttar vegna gæsluvarðhalds yfir manni sem hafði í fórum sínum meint fíkniefni, að efnið flúoróamfetamín sé afleiða afmetamíns sem falli undir lög um ávana og fíkniefni.

Því sé umrætt efni, fluoro-amfetamín, ávana- og fíkniefni í skilningi laganna. Í dómi Hæstaréttar vegna gæsluvarðhaldsins komst Hæstiréttur að þeirri niðurstöðu að umrætti efni væri ekki ávana- og fíkniefni þar sem efnið væri ekki á skrá yfir ávana- og fíkniefni sem bönnuð væru á íslensku yfirráðasvæði.

Áframhaldandi gæsluvarðhaldi yfir manninum var hafnað.