Liverpool pakkaði Portsmouth saman

Liverpool hristi af sér mánudagsveikina í kvöld er liðið rúllaði yfir botnlið Portsmouth. Lokatölur 4-1 fyrir Liverpool.

Liverpool afgreiddi leikinn á sex mínútna kafla í fyrri hálfleik.

Fernando Torres skoraði fyrst á 26. mínútu, Ryan Babel skoraði tveim mínútum síðar og Alberto Aquilani skoraði svo þriðja marki á 32. mínútu.

Torres bætti fjórða markinu við á 77. mínútu en Nadir Belhadj náði að klóra í bakkann tveim mínútum fyrir leikslok.

Liverpool komst með sigrinum upp í fjórða sæti deildarinnar en Portsmouth er sem fyrr langneðst í deildinni.