Gylfi enn og aftur hetja Reading

Gylfi Þór Sigurðsson skoraði eina mark leiks Reading og QPR í ensku 1. deildinni í kvöld. Markið kom úr vítaspyrnu sem Gylfi fiskaði sjálfur.

Gylfi hefur farið hamförum með Reading síðustu mánuði en er samt ekki nógu góður fyrir íslenska landsliðið.

Ívar Ingimarsson var einnig í byrjunarliði Reading en Brynjar Björn Gunnarsson sat á bekknum.

Emil Hallfreðsson kom af bekknum á 25. mínútu hjá Barnsley sem lagði Nott. Forest, 2-1.

Aron Einar Gunnarsson var í byrjunarliði Coventry sem tapaði fyrir Cardiff, 1-2.. Kári Árnason var einnig í byrjunarliði Plymouth sem skellti Bristol City, 3-2.

Heiðar Helguson var svo í byrjunarliði Watford sem lagði Ipswich, 2-1. Heiðar fór af velli á 72. mínútu.