Missti af brúðkaupinu

Söngkonunni Rihönnu fannst afar leiðinlegt að missa af brúðkaupi stjörnuparsins Katy Perry og Russells Brand sem var haldið á Indlandi fyrir skömmu. Hún var stödd í New York til að kynna nýjustu plötu sína Loud og komst ekki í burtu.

„Platan kemur út eftir tvær vikur og ég varð að vera á staðnum. Við komumst ekki í neitt síma- eða netsamband við þau úti og það fór alveg með mig. Ég hlakkaði mikið að mæta í brúðkaupið en hún skildi alveg stöðu mína. En ég var ánægð með að ég gat haldið fyrir hana gæsapartí," sagði Rihanna.