Erlent

Love Parade: Tuttugasta ungmennið látið

Skipuleggjendur göngunnar settu í gær upp skilti þar sem slysið varð. „Við erum miður okkar. Við syrgjum með ættingjum fórnarlamba og hugsum til þeirra sem eru í læknismeðferð.“ Við hliðina skrifar maður: „Hverjum datt í hug að láta 1,4 milljónir manna troðast í gegnum 16 metra breið göng?“
Skipuleggjendur göngunnar settu í gær upp skilti þar sem slysið varð. „Við erum miður okkar. Við syrgjum með ættingjum fórnarlamba og hugsum til þeirra sem eru í læknismeðferð.“ Við hliðina skrifar maður: „Hverjum datt í hug að láta 1,4 milljónir manna troðast í gegnum 16 metra breið göng?“ Mynd/AFP
Þrýst er á að borgarstjóri Duisburg, Adolf Sauerland, segi af sér vegna harmleiksins á Love Parade-göngunni um helgina. Tuttugasta ungmennið, 21 árs gömul þýsk kona, lést af meiðslum sínum í nótt. Alls slösuðust ríflega 500 manns.

Um 1,4 milljónir manna mættu á hátíðina, sem hafði þó aðeins leyfi fyrir 250 þúsund manns. Fregnir herma að borgarstjórinn og skipuleggjendur hafi látið áhyggjur vegna fjölda gesta sem vind um eyru þjóta.

Lögregluyfirvöld segja harmleikinn ekki sér að kenna vegna lélegrar gæslu. Formaður félags þýskra lögreglumanna, Rainer Wendt, sendi skipuleggjendum tóninn í dag. „Það er hneyksli að þeir reyni að losna undan ábyrgð og kenna lögreglunni um. Ég vorkenni einnig Adolf Sauerland borgarstjóra og ber virðingu fyrir honum en hann ætti að segja strax af sér."

Öryggisfulltrúi sem tók aðstæður út fyrir hátíðina segir að borgaryfirvöld hafi vitað að gangnamunninn þar sem troðningurinn varð væri hættulegur. Hann sakar embættismenn um að koma í veg fyrir að hann myndi taka út aðstæður þar.

Skipuleggjendur göngunnar hafa tilkynnt að hún verði aldrei haldin aftur vegna virðingar við hina látnu.




Tengdar fréttir

Síðasta Love Parade gangan

Í ljós hörmunganna í Love Parade göngunni í Duisburg hafa skipuleggjendur hátíðarinnar ákveðið að halda gönguna ekki aftur. 19 létust og 340 slösuðust þegar múgæsing greip um sig í undirgöngum sem lágu að hátíðarsvæðinu.

Harmleikurinn í Duisburg - lögreglan varaði skipuleggjendur við

Að minnsta kosti 19 eru látnir og yfir 340 slasaðir eftir að stærsta danspartý í heimi breyttist í harmleik. Forseti Þýskalands hefur krafist rannsóknar á orsökum slyssins. Gestir á Love Parade eða Gleðgöngunni í Duisburg þurftu margir hverjir áfallahjálp eftir að hafa horft á fólk troðast undir og láta lífið.

Love Parade: Öll skjöl skipuleggjenda gerð upptæk

Rannsókn er hafin á aðdraganda harmleiksins á Love Parade-göngunni í Duisburg í Þýskalandi á laugardag. Öll skjöl aðstandenda göngunnar voru gerð upptæk í dag. Angela Merkel kanslari segir að rannsóknin verði mjög nákvæm.

Mest lesið


Fleiri fréttir

Sjá meira


×

Mest lesið