Kim Kardashian nýtur þess að vera einhleyp

Kim Kardashian, úr raunveruleikaþáttunum Keeping Up With The Kardashians, er einhleyp í fyrsta sinn í mörg ár og segist njóta þess til hins ítrasta. Kim hætti með kærastanum Reggie Bush fyrr á þessu ári og þrátt fyrir að hafa verið orðuð við portúgalska fótboltakappann Christiano Ronaldo segist hún vera ein á báti í augnablikinu.

„Ég á engan kærasta. Ég er á markaðnum og er virkilega hamingjusöm," sagði hún í útvarpsviðtali við Idol-kynninn Ryan Seacrest. „Þetta er nýtt líf fyrir mér. Ég hef ekki verið einhleyp í mörg ár," segir hún og bætir við: „Ég bjóst aldrei við því að mér fyndist gott að vera einhleyp. Núna líður mér ekki lengur illa yfir því að vakna klukkan fimm á morgnana og fara í líkamsræktina."

Kim, sem er þrítug, er sannfærð um að næsti kærasti sem hún eignist verði eiginmaður hennar þegar fram líða stundir og hún viðurkennir einnig að hún sé ógurlega rómantísk manneskja. Í útvarpsviðtalinu sagðist Seacreast einmitt hafa heyrt að hún væri góð kærasta og þá svaraði Kim: „Ég vil meina að ég sé það."

Hér má heyra viðtal Seacrest við Kim Kardashian.