Áfram opið í Bláfjöllum

Opið verður í Bláfjöllum í dag, annan daginn í röð en í gær opnaði í fyrsta sinn í vetur. Opið verður frá 14-21 í fjallinu og er þar hæglætisveður, en snjóar annað slagið, frost er um 1,5 gráður.

Á heimasíðu Bláfjalla er fólk beðið um að halda sig á troðnum slóðum. Göngubraut verður lögð um Leirurnar kl. 16. Rúta fer frá Olís í Mjódd kl. 16:15 og heim aftur kl.21:00.

Vakin er athygli á símsvara svæðisins en fólk er beðið um að hringja alltaf í símsvarann 530-3000 áður en lagt er af stað úr bænum þar sem aðstæður geta skyndilega breyst.