Fá 2,9 milljarða í Danmörku

Eyrir Invest seldi á hlutabréfamarkaði í Kaupmannahöfn í Danmörku í gær 16,9 milljónir hluta í stoðtækjafyrirtækinu Össuri á genginu 7,25 danskar krónur á hlut, jafnvirði 170 íslenskra króna. Söluandvirðið þessu samkvæmt nemur tæpum 2,9 milljörðum króna.

Eftir því sem næst verður komist var ákveðið að selja hlutinn ytra þar sem mun meiri hreyfing á hlutabréfum er þar en hér og alþjóðlegir fjárfestar sæki í þau.

Eyrir Invest er annar stærsti hluthafi Össurar. Fyrir söluna átti hann 18,9 prósenta hlut en hann fer niður í 15,1 prósent við söluna. - jab