Geimrusl ógnar fjarskiptum

Það er orðið svo mikið af rusli í geimnum að það stefnir fjarskiptum á jörðu í verulega hættu.

Þetta gæti rofið sjónvarpssendingar, leiðsögukerfi eins og GPS, símasamband, samband við veðurgerfihnetti og fleira og fleira.

Slíkur árekstur hefur raunar þegar átt sér stað. Á síðasta ári rákust saman bandarískur fjarskiptahnöttur og gamall rússneskur njósnahnöttur yfir Síberíu.

Þeir rákust saman á 24 þúsund kílómetra hraða og splundruðust báðir. Brakið úr þeim dreifðist yfir svo stórt svæði að geimfarar um borð í Alþjóðlegu geimstöðinni urðu að breyta stefnu hennar.

Síðan Rússar skutu Spútnik á loft fyrir 53 árum hafa tugir milljóna aðskotahluta bæst við á braut um jörðu.