Rúta og jeppi í árekstri - níu fluttir á sjúkrahús

Níu einstaklingar voru færðir á sjúkrahús eftir að jeppi og lítil rúta skullu saman á Norðfjarðavegi í Fagradal nærri Egilsstöðum. Slysið átti sér stað um klukkan níu í morgun.

Að sögn lögreglunnar á vettvangi þá eru bílarnir illa farnir en enginn farþeganna eða ökumannanna virtist illa slasaður eftir áreksturinn. Þeir eru engu að síður meiddir eftir atvikið að sögn lögreglunnar en í fljótu bragði virðast engin alvarleg slys hafa orðið á fólki.

Hálka er á vegum og talsverður snjór. Lögreglan segir of snemmt að segja nokkuð til um ástæður slyssins. Málið er í rannsókn.