Segir Íslendinga styðja íbúa Haítí

Ólafur Ragnar Grímsson, forseti Íslands, hefur sent samúðarkveðjur til forseta Haítí, René Préval. Í kveðjunni tjáði hann Préval stuðning íslensku þjóðarinnar á tímum erfiðleika, sorgar og áfalla.

„Hugur okkar er hjá fjölskyldum og vinum þeirra sem látist hafa og öllum sem glíma við afleiðingar þessara hörmulegu atburða,“ segir í kveðjunni. Lýsti hann jafnframt mikilvægi þess að alþjóðasamfélagið sýndi íbúum Haítí öflugan stuðning og kvað íslensku björgunarsveitina búa yfir mikilli reynslu af jarðskjálftum víða um heim. - óká