Neyðarblys sást á lofti

Landhelgisgæslunni og Neyðarlínunni bárust um kl. 14:20 tilkynningar um neyðarblys sem sást í stefnu milli Holtagarða og Úlfarsfells. Í tilkynningu frá Landhelgisgæslunni segir að Eir, þyrla Landhelgisgæslunnar hafi verið á flugi og fór hún samstundis á svæðið til að grennslast fyrir um neyðarblysið.

Í ljós kom að blysinu hafði verið skotið upp af landi og var því ekki ástæða til frekari aðgerða.

„Ekki gera sér allir grein fyrir að auðvelt er að villast á neyðarblysum og almennum flugeldum en neyðarblys eru mjög mikilvægt öryggistæki fyrir sjófarendur og utan hins hefðbundna flugeldatímabils þarf að sækja um sérstakt leyfi til að skjóta upp skoteldum," segir ennfremur.