Byrjaður að reykja aftur

Liam Neeson kennir leik sínum í hasarmyndinni A-Team um að hann sé byrjaður aftur að reykja.

Neeson hefur ekki snert tóbak í sextán ár en persónan sem hann leikur í kvikmyndinni er ákaflega hrifin af stórum vindlum.

Í fyrstu voru notaðir gervivindlar enda harðneitaði Neeson að reykja alvöruvindla.

„Ég er fíkill," á Neeson að hafa sagt við leikmunadeildina þegar starfsmennirnir reyndu að troða upp í hann alvöruvindli.

Áður en yfir lauk hafði Neeson hins vegar fundið alvöruvindla og þá varð ekki aftur snúið. „En ef við gerum framhaldsmynd þá mun ég nota gúmmívindla."