Heróín fyrir mestu fíklana

danmörk Þeir Danir sem fíknastir eru í heróín geta frá og með miðjum næsta mánuði fengið efnið á kostnað ríkisins, fyrst í Óðinsvéum.

Alls eiga um 230 fíklar að geta fengið heróínið sitt hjá lækni, að uppfylltum ákveðnum skilyrðum. Politiken hefur eftir Birthe Vorsum, sem vinnur á meðferðarstofnun í Óðinsvéum, að þegar allt sé talið til sé þetta góð „samfélagshagfræði", því ætla megi að með því að efnin verði ókeypis láti sumir fíklanna af glæpum og ofbeldi.

Kostnaður ríkisins af þessu er sjötíu milljónir danskar. - kóþ