Frækileg björgun í fallhlífarstökki

Tuttugu og fjögurra ára gömul þýsk kona átti vinkonu sinni líf sitt að launa þegar fallhlífarstökk hennar misheppnaðist um síðustu helgi.

Katharina Wagner á að baki um eittþúsund stökk. Á sunnudag fór hún ásamt þrem vinum sínum til þess að fara í frjálsu falli úr 14 þúsund feta hæð.

Þegar hún stökk út slengdi vindgustur henni harkalega utan í skrokk vélarinnar. Hún handleggsbrotnaði og gat ekki kippt í opnunarlínu fallhlífarinnar.

Vegna handleggsbrotsins gat Katharine ekki stýrt fallhlíf sinni og rakst utan í ljósastaur í lendingunni.

Læknar segja að hún muni ná sér að fullu.