Guðmundur Rúnar í fyrsta sæti

Guðmundur Rúnar Árnason, bæjarfulltrúi og stjórnmálafræðingur, er í fyrsta sæti í prófkjöri Samfylkingarinnar í Hafnarfirði þegar talinn hafa verið rúmlega 400 atkvæði eða 35%. 1150 greiddu atkvæði í prófkjörinu. Lúðvík Geirsson, bæjarstjóri, sóttist eftir sjötta sæti en bæjarfulltrúar í Hafnarfirði eru ellefu.

Við röðun á lista skal kjörnefnd tryggja jafnt hlutfall karla og kvenna á listanum og jafnframt að aldrei séu fleiri en tveir fulltrúar af sama kyni í tveimur samliggjandi sætum á listanum með fráviki í tveimur efstu sætum, en þar skal vera andstætt kyn.

Atkvæði efstu manna skiptast þannig:

1. Guðmundur Rúnar Árnason, bæjarfulltrúi og stjórnmálafræðingur 197 atkvæði

2. Margrét Gauja Magnúsdóttir, kennari og bæjarfulltrúi 99 atkvæði

3. Gunnar Axel Axelsson, viðskiptafræðingur 159 atkvæði

4. Guðfinna Guðmundsdóttir, matreiðslumeistari og bæjarfulltrúi 124 atkvæði

5. Sigríður Björk Jónsdóttir, byggingalistfræðingur 149 atkvæði

6. Lúðvík Geirsson, bæjarstjóri 319 atkvæði

7. Gísli Valdimarsson, verkfræðingur og bæjarfulltrúi 147 atkvæði

8. Guðný Stefánsdóttir, þorskaþjálfi 153 atkvæði

Samfylkingin hlaut sjö bæjarfulltrúa kjörna í bæjarstjórnarkosningunum í Hafnarfirði 2006, VG einn og Sjálfstæðisflokkur þrjá.

Tveir bæjarfulltrúar Samfylkingarinnar gefa ekki kost á sér en það eru þau Gunnar Svavarsson og Ellý Erlingsdóttir.