Berjast um fyrsta sætið í Hafnarfirði

Prófkjör Sjálfstæðisflokksins í Hafnarfirði fyrir sveitastjórnarkosningar í vor fer fram í dag. Rósa Guðbjartsdóttir, bæjarfulltrúi, og Valdimars Svavarsson, hagfræðingur, sækjast eftir fyrsta sætinu. Alls gefa 12 kost á sér í prófkjörinu, sex konur og sex karlar. Geir Jónsson sækist eftir 1. til 4. sæti og þá sækist Skarphéðinn Orri Björnsson eftir einu af efstu sætunum. Kosið er í Víðistaðaskóla á milli klukkan 10 og 18.

Sjálfstæðisflokkurinn fékk þrjá bæjarfulltrúa kjörna í kosningunum 2006, Samfylking sjö og VG einn.

Samfylkingarfólk í bæjarfélaginu velur einnig í efstu sæti í prófkjöri sem fer fram í húsnæði flokksins Strandgötu 43 frá klukkan 10 til 18.