Innlent

Tveimur atkvæðum munaði í Hafnarfirði - Valdimar nýr oddviti

Rósa Guðbjartsdóttir og Valdimar Svavarsson.
Rósa Guðbjartsdóttir og Valdimar Svavarsson.

Hagfræðingurinn Valdimar Svavarsson sigraði í prófkjöri Sjálfstæðisflokksins í Hafnarfirði sem fór fram í dag. Rósa Guðbjartsdóttir, bæjarfulltrúi og fyrrverandi fréttamaður, hafnaði í öðru sæti. Sjálfstæðisflokkurinn fékk þrjá bæjarfulltrúa kjörna í bæjarstjórnarkosningunum fyrir fjórum árum. Rósa var eini bæjarfulltrúinn sem sóttist eftir endurkjöri.

Á kjörskrá voru 3.593 manns. Atkvæði greiddu 1.224 og því var 34% kjörsókn. Gild atkvæði voru 1.187. Ógild atkvæði voru 37.

Niðurstaða prófkjörsins var þessi:

1. Valdimar Svavarsson með 460 atkvæði í 1. sæti

2. Rósa Guðbjartsdóttir með 599 atkvæði í 1.-2. sæti

3. Kristinn Andersen með 679 atkvæði í 1.-3. sæti

4. Geir Jónsson með 479 atkvæði í 1.-4. sæti

5. Helga Ingólfsdóttir með 559 atkvæði í 1.-5. sæti

6. Ingi Tómasson með 577 atkvæði í 1.-6. sæti

7. Sigurlaug Anna Jóhannsdóttir með 528 atkvæði í 1.-7. sæti

Aðrir hlutu færri atkvæði.

Valdimar hlaut 460 atkvæði í fyrsta sætið en Rósa 458 og því munaði einungis tveimur atkvæðum á þeim. Rósa fékk fleiri atkvæði í annað sætið en Valdimar. Hún fékk 141 en hann 86. Í heildina hlaut Rósa 869 atkvæði og Valdimar 795.

Tengdar fréttir

Valdimar efstur í Hafnarfirði - ánægður með stuðninginn

Valdimar Svavarsson, hagfræðingur, er efstur í prófkjöri sjálfstæðismanna í Hafnarfirði. Talinn hafa verið 575 atkvæði. Flokkurinn fékk þrjá bæjarfulltrúa í kosningunum 2006. Rósa Guðbjartsdóttir, er eini bæjarfulltrúinn, sem sækist eftir endurkjöri.

Óbreytt staða í Hafnarfirði

Röð efstu manna í prófkjöri Sjálfstæðisflokksins í Hafnarfirði hefur ekkert breyst frá því að fyrstu tölur voru birtar fyrr í kvöld. Valdimar Svavarsson, hagfræðingur, er í fyrsta sæti. Hann sagði í samtali við fréttastofu fyrr í kvöld að hann teldi að sigurstranglegur listi væri að myndast.

Mest lesið


Fleiri fréttir

Sjá meira


×

Mest lesið