Ætlar að birta gögn yfir aðkeypt efni

Ríkisútvarpið vinnur nú að því að safna saman upplýsingum um aðkeypt sjónvarpsefni frá sjálfstæðum framleiðendum. Bjarni Guðmundsson, framkvæmdastjóri RÚV, segir þeirra upplýsinga að vænta innan skamms, vonandi fyrir helgi.

Fyrr í vikunni óskaði Fréttablaðið eftir sundurliðuðum upplýsingum frá RÚV um aðkeypt efni frá sjálfstæðum framleiðendum undanfarin ár. Þau svör fengust að þær upplýsingar væru ekki til reiðu og ekki hægt að taka þær saman að sinni. Fulltrúar kvikmyndagerðarmanna funduðu með útvarpsstjóra á miðvikudag. Þeir óskuðu eftir sams konar upplýsingum og fengu þau svör að þær yrðu teknar saman og veittar við fyrsta tækifæri. -bs