Það er ákveðið

Leikkonan Sandra Bullock hefur tekið ákvörðun um að binda enda á fimm ára hjónaband sitt með Jesse James og sækja um skilnað. Komið hefur í ljós að James hélt framhjá með að minnsta kosti 10 konum.

„Sandy hefur komist að þeirri niðurstöðu að þau geta ekki verið saman áfram," sagði heimildarmaður í samtali við Daily Star. Heimildir herma að Bullock hafi dvalið á setri sínu í Texas síðan að upp komst um samband James og Michelle McGee.

Fyrirfram hafði verið gert ráð fyrir að Bullock kæmist að þessari niðurstöðu. Skilnaðurinn verður þó ekki auðveldur fyrir hana en hún ku sakna stjúpdóttur sinnar úr hjónabandinu ansi mikið.