Mótmæla bílalánum Íslandsbanka

Samtökin Nýtt Ísland boða til mótmæla fyrir utan höfuðstöðvar Íslandsbanka við Kirkjusand í hádeginu vegna bílalána bankans.

„Við mótmælum óréttlátum bílasamningum og flautum í þrjár mínútur hið minnsta," segir Lúðvík Lúðvíksson, einn af forsvarsmönnum samtakanna. Hann segir að þær lausnir sem Íslandsbanki bjóði upp á sé sjónhverfing.

Nýtt Ísland hefur staðið fyrir vikulegum mótmælaaðgerðum að undanförnu fyrir utan húsnæði fimm fyrirtækja sem lána til bifreiðakaupa. Að þessu sinni verður athyglinni einungis beint að Íslandsbanka, að sögn Lúðvíks.