Innlent

Íslendingar í Chile

Michelle Bachelet, forseti Chile, ræðir við fréttamenn. Mynd/AP
Michelle Bachelet, forseti Chile, ræðir við fréttamenn. Mynd/AP
Utanríkisráðuneytinu er kunnugt um fjóra Íslendinga í Chile þar á meðal á vegum Landhelgisgæslunnar. Öflugur jarðskjálfti upp á 8,8 á Richter skók landið í morgun. Ekki er vitað hvort Íslendingarnir hafi verið á skjálftasvæðinu.

Upptök jarðskjálftans voru rúmlega 90 kílómetra norðaustur af borginni Concepcion og tæplega 320 kílómetra suðvestur af borginni Santiago. Að minnsta kosti 47 eru látnir og fjölmargir slasaðir. Fjölmargir eftirskjálftar hafa fylgt í kjölfarið. Sá stærsti 6,9 á Richter varð skömmu fyrir klukkan ellefu.

Michelle Bachelet, forseti Chile, hefur lýst yfir neyðarástandi. Hún biður íbúa landsins um halda ró sinni. Strax eftir stóra skjálftann voru gefnar út viðvaranir vegna vegna mögulegrar flóðbylgjuhættu í Chile, Perú og Ekvador.


Tengdar fréttir

Öflugur jarðskjálfti í Chile

Talið er að minnsta kost sex hafi látist og fleiri slasast í öflugum jarðskjálfta upp á 8,8 á Richter sem skók Chile í Suður Ameríku í morgun. Þetta er stærsti jarðskjálftinn sem hefur riðið yfir landið í 25 ár. Óttast er að fleiri hafi látist og slasast en tölur um það eru á reiki.

Mest lesið


Fleiri fréttir

Sjá meira


×

Mest lesið