Íslenskir dómarar ætla ekki til Skotlands

Íslenskir dómarar ætla ekki að fara til Skotlands og dæma þar um helgina verði þess óskað. Þetta segir Magnús Þórisson sem á sæti í Félagi deildardómara.

Skoskir knattspyrnudómarar hafa ákveðið að fara í verkfall um næstu helgi eftir að hafa mátt þola mikla gagnrýni fyrir störf sín.

„Það verður að virða það sem þeir eru að gera þarna úti. Langflestir dómarar samþykktu að fara í verkfall og ætlum við að virða það," sagði Magnús í samtali við Vísi.

Von er á fréttatilkynningu frá félaginu síðar í dag.