Darren Bent: Hættur með twitter-síðuna sína

Framherjinn Darren Bent er hættur að skrifa inn á twitter-síðuna sína og ætlar þess í stað að einbeita sér að hjálpa Sunderland að halda sæti sínu í ensku úrvalsdeildinni.

Twitter-síðan hans Bent hefur oft komist í sviðsljósið á síðustu mánuðum því hann ýtti þar á eftir félagsskiptum sínum úr Tottenham og vakti athygli á kynþáttárníð sem mamma hans var fyrir á fótboltabar.

„Ég átti gott spjall við stjórann á dögunum og eftir það taldi ég rétt, miðað við það slæma gengi sem liðið er á, að losa mig við allar mögulegar truflanir," sagði Bent.

„Ég þarf að einbeita mér að því að koma Sunderland upp úr fallbarátunni og þess vegna hef ég lokað twitter-síðunni minni," sagði Bent.

Darren Bent hefur skorað fimmtán mörk fyrir Sunderland í ensku úrvalsdeildinni í vetur. Sex marka hans hafa komið í síðustu tólf leikjum þar sem Sunderlan hefur ekki náð að vinna einn einasta sigur.