Óttast að ákveðnir hópar séu skildir eftir í skuldavanda

Marínó G. Njálsson, fyrrverandi stjórnarmaður í Hagsmunasamtökum heimilanna, fagnar útspili stjórnvalda. Aðgerðir vegna skuldavanda heimilanna voru kynntar á fundi í Þjóðmenningarhúsinu í morgun. Þar kemur fram að skuldir vegna yfirveðsettra eigna verða afskrifaðar og breytingar gerðar á vaxtabótakerfinu til hagsbóta fyrir skuldara.

Þrátt fyrir að Marínó fagnið aðgerðunum segist hann samt óttast um að verið sé að skilja ákveðna hópa eftir við ókleifan hamarinn. Á bloggsvæði sínu segir hann að niðurstaðan sé að farið er í að afskrifa sokkinn kostnað, en þó ekki allan, og ekki krónu umfram það.

„Svo er það náttúrulega hópurinn sem lifir undir fátæktarmörkum og getur ekki framfleytt sér hvað þá greitt húsnæðiskostnað," segir Marínó á bloggsvæði sínu.