Þingmaður VG vill verja loftrýmisgæslupening í annað

Íslenskir skattgreiðendur þurfa að borga um tíu milljónir króna fyrir loftrýmisgæslu danskra herflugvéla þrátt fyrir að engin þörf sé á slíkri gæslu.

Flugsveit frá danska flughernum kom hingað til lands í gær til að sinna loftrýmisgæslu í samræmi við samkomulag Íslenskra stjórnvalda og Nató.

Um er ræða fjórar F-16 orrustuþotur en kostnaður Íslendinga við þetta eftirlit nemur um tíu milljónum króna.

Starfshópur sem utanríkisráðherra skipaði til að leggja mat á öryggi og varnir Íslands mat það svo í skýrslu sem kom út í fyrra að engin hernaðarleg ógn steðji nú að Íslandi.

Þegar Árni Þór Sigurðsson, þingmaður VG, er spurður hvort þessum peningum væri ekki betur varið í eitthvað annað svarar hann:

„Alveg tvímælalaust. Eins og ég segi þá er það minnsta kosti mín afstaða og míns flokks að þessi loftrýmisgæsla sé óþörf og þess vegna lögðum við á það áherslu í stjórnarsáttmálanum að það yrði farið í að endurskoða þessa starfsemi eins og ég segi sú vinna er í gangi og ég á frekar von á því að utanríkisráðehrra komi með einhver frumvörp þar af lútandi á vorþingi."