Icesave varðar við lög og rétt

„Icesave-deilan varðar lög og rétt," segir í tilkynningu nýrra samtaka sem nefnast Þjóðarheiður - samtök gegn Icesave.

Í yfirlýsingu samtakanna segir að mistök hafi verið hjá stjórnvöldum að gera ágreining um málefni einkabanka að pólitísku og þjóðréttarlegu samningamáli.

„Um Icesave-útibú Landsbankans gilda skýrar lagareglur og þjóðin á heimtingu á, að stjórnvöld gæti þeirra hagsmuna sem þeim er falið að gæta, með heiður og sæmd almennings að leiðarljósi."

Stjórn samtakanna skipa Elle Ericsson, Guðni Karl Harðarson, Jón Valur Jensson, Loftur Altice Þorsteinsson, María Jónasdóttir og Theódór Norðkvist. - óká