Mikilfenglegt grískt hof í Egyptalandi

Mikilfenglegt grískt hof sem hugsanlega hefur verið tileinkað kattagyðjunni Bastet hefur verið grafið upp í Alexandríu í Egyptalandi. Hofið er um 2200 ára gamalt.

Víst er að hofið var reist á tímum Bereniku drottningar sem var gift Ptolemy þriðja konungi. Berenika fæddist um 260 fyrir Krist.

Ptolemy ættin stjórnaði Egyptalandi í ein 300 ár en veldi hennar lauk með sjálfsmorði Kleópötru.

Yfir sexhundruð höggmyndir hafa fundist í hofinu. Margar þeirra eru af köttum og því er talið líklegt að það hafi verið tileinkað Bastet.

Hún var blíð og góð gyðja og var ein af dætrum sólguðsins Ra.